Билигин станция үлэһиттэрэ тутуспутунан өрөмүөн үлэтигэр сылдьаллар. Сүрүн үлэ 10 уонна 0,4 кВ күүрүүлээх  уот ситимнэригэр ыытыллар. Бүгүҥҥү туругунан  Өктөм подстанциятыттан кэлэр Үрүҥ Бас хайысхатынан сүүрбэччэ опора тирэҕин тимир-бетоҥҥа уларыттылар.

Быйыл эмиэ уот ситимнэрин саҥардыы программатын чэрчитинэн, Тойон-Арыыга 10 уонна 0,4 кВ линияларга 8,2 км  анал бүрүөһүннээх СИП ситимэ тардыллыахтаах. Маны таһынан Сиинэҕэ дизельнэй станция туруоруллуохтааҕын туһунан РЭС начальнига Сергей Первухин иһитиннэрдэ.

Мантан саас өрөмүөн үлэтэ күүскэ ыытыллан, аны күһүҥҥэ диэри капитальнай өрөмүөн быйылгы былаана силигэ ситиэхтээх. Ону ситиһэргэ техника, үлэһит илии үлэтэ, үп-харчы ирдэнэр.

«Якутскэнерго» ААУо пресс-сулууспатыттан Анивера АКИМОВА