"Кистэлэҥ күүс" хаһыат улаатан - сурунаалга кубулуйда

Четверг, 01 Марта 2012 12:20
Оцените материал
(0 голосов)

IMG_8977Кулун тутар 1 күнүгэр дьиктини таба көрөр, кэрэни кэрэхсиир айылгылаах, чараас эйгэни сэҥээрэр сүрэхтээх дьоҥҥо анаан "Кистэлэҥ күүс" сурунаал таҕыста. "Кистэлэҥ күүс" урут хаһыат этэ, билигин кумааҕыта тупсан, өҥө дьэрэкээннэнэн, лииһэ элбээн  сурунаал буолан кубулуйан таҕыста.

 Маннык дьоһун ситиһиинэн ааҕааччыларын эҕэрдэлээн туран редакция маннык тыллары аныыр:

«КИСТЭЛЭҤ КҮҮС»     сурунаал

Күүтүүлээх «Кистэлэҥ күүс» сурунаалбыт бастакы нүөмэрэ Аҕа дойдуну көмүскээччилэр күннэрин баттаһа бэчээттэнэн таҕыста. Икки сылы быһа ааҕааччыларбытын кытары таһаарыылаах үлэбит өссө дириҥээн, халыҥаан сурунаал быһыытынан тахсыбыта биһиэхэ улахан үөрүү, кыайыы, сайдыы биир үктэлин бэлиэтэ буолар.

Дойдубут киэҥ сиринэн тэлэһийэн олорор бары олохтоохторугар ананар сурунаалбыт ис хоһооно инникитин өссө  тупса, уларыйа турарын туһугар, ааҕааччыбыт аһаҕас санааҕын суруйаргын, үөрүүгүн үллэстэргин, сүбэҕин ыытаргын күүтэбит.

Сурунаал матырыйаал хомуллан, таҥыллан бүттэ да тахсар буолуо диэн эрэннэрэбит. Ааҕааччыларбытын сандал саас кэлбитинэн эҕэрдэлиибит уонна биһигини өйүүргүтүгэр ис сүрэхпититтэн махтанабыт!

Бары кэрэни-үтүөнү кытары РЕДАКЦИЯ".

Добавить комментарий

Защитный код
Обновить

Aartyk.ru