Владимир Федоров ойоҕо тоҕо халадаай кэттэ?

Воскресенье, 22 Января 2012 15:59
Оцените материал
(1 Голосовать)

РФ Президенин быыбара, Москуба ырааҕыттан сиэттэрэн эбитэ дуу, улаханнык долгуппат курдук. Тирээн кэллэҕинэ – быһаарыныахпыт. Эмиэ Госдума быыбарыгар «ньыгылларга» куоластааҥ, национальнай өрөспүүбүлүкэ көмүскэнэр ньымата былаас баартыйатыгар элбэх куолаһы биэрии – диэтэхтэринэ, Путиммытын да талыахпыт, аата биһигиттэн быстан түһүө буоллаҕа. «Арҕааттан үбүлэнэр» ааттаах Прохоров олигархы өсөһөн да талыахпытын иһин, ол бэйэлээҕи иэмин-дьаамын да билбэппит. Сурах хоту «эмиэрикэлэр үбүлүүллэр үһү» диэтэхтэринэ, сөбүлэһэн кэҕиҥнэһэн баран «бэйэ суолаһа атын дойду суолаһынааҕар ордук» диэн түмүк оҥоруохпут. Дьон уларыйыыттан-тэлэрийииттэн сылайда, онон саҥа киһини таларбыт эмиэ уһун унньуктаах уларыта тутар «өрөбөлүүссүйэлэргэ» тиэрдиэ диэн  дьиксинэбит: саҥа олохпутун-туойбутун булуох курдук буолан иһэн, эмиэ түөрэккэй оҥочоҥо олордохпутуй?

Кулун тутар 4 күнүгэр РФ президенин сэргэ, Дьокуускай уонна өрөспүүбүлүкэ 20-ччэ улуустарын, нэһилиэктэрин олохтоохторо баһылыктарын, дьокутааттарын талыахтара.

Киин куорат мээрин быыбарыгар 10 киһи кыттар баҕалааҕын биллэрбитэ. Дьокуускайдааҕы быыбардыыр хамыыһыйа хандьыдааттар сайабылыанньаларын ахсынньы 14-с күнүттэн туппута. Дьиҥинэн, сайабылыанньаны тутуу тохсунньу 12 чыыһылатыгар бүтүөхтээҕэ, ону  кэккэ дьон илии баттааһыны хомуйары ыарырҕаппытынан сибээстээн, болдьох тохсунньу 23-с чыыһылатыгар диэри уһатыллыбыта.

Баартыйалартан барааччылар – Анатолий Кырджагасов (СР), Айсен Николаев(ЕР), Геннадий Михеев (КПРФ), Евгений Перфильев (ЛДПР) илии баттааһыны хомуйбаттар. Оттон бэйэлэрин баҕаларынан турбут дьон – Иосиф Сивцев, Максим Местников, Александр Михальчук, Владимир Федоров, Сергей Черных, Ирина Ткалина дьэ быыбарга кытталларын сөбүлэтэн 3089 киһиттэн (быыбардааччы 2%-ттан итэҕэһэ суох) илии баттатан ылыахтаахтар. Предприниматель Владимир Федоров бэлиэр 3398 илии баттаһыны хомуйан ТИКкэ киллэрэн сытар. Бүгүн Максим Местников, Александр Михальчук, Сергей Черных илии баттааһыннарын ситэрэн, ТИКкэ туттардылар диэн эттилэр. Болдьоҕу  баттаспатах хандьыдааттар быыбар биэтэгиттэн туорууллар.

Быыбар аҕытаассыйатыгар туттуллар үп кээмэйдээх – 3,5 мөл. солк:тан тахсыа суохтаахтар. Таҕыстыҥ да, быыбарга кыттар быраабыҥ быстар. Дьиҥинэн, 3,5 мөл. солк. быыбар иннинээҕи үлэҕэ тиийбэт. Штабыҥ үлэлиир дьиэтин куортамыттан саҕалаан, бэчээттэнэн тахсар реклама плакатыгар тиийэ - үлүгэрдээх үп ирдэнэр. Ону таһынан агитатордарыҥ хамнаһа, суоппарыҥ уматыга, суруксуттарыҥ, идеологтарыҥ, технологтарыҥ, имиджмейкериҥ, хаһыаттарыҥ, телевидениелэриҥ сыаналара – буолунай орускуот! Онон штабтар үксүлэрэ «үрүҥ» уонна «хара» хармааннаах буолаллар. 3,5 мөл-тэн тахсар суума барыта «хараҕа» анньыллар.

Быыбар – стресс, ону ааһан саппыйаҕа олус охсуулаах тэрээһин.

Хандьыдаат ТИКкэ сайабылыанньа киллэриэҕиттэн саҕалаан, аҕытаассыйатын 03.03.2012 с. 00-00 чааһыгар диэри ыытара көҥүллэнэр. Ол гынан баран, СМИгэ

05.02.2012 с. эрэ тахсар бырааптаах. Ол иннинэ «фоновай» диэн ааттаах рекламаны күүскэ ыыталлар.

«Фоновай рекламаны» сыл инниттэн урбаанньыт Владимир Федоров күүскэ саҕалаата. Хаһыат таһааран, телевизорга көстөн, араас аахсыйалары ыытан – элэгэлдьийэн олорор.  Соторутааҕыта «Кыым» хаһыакка ойоҕун таһааттарда. Сорох дьон ону өйдөөбөтө, бу «Кыым» Федоровка оҕунна быһыылаах диэн киҥир-хаҥыр саҥарсыы баар. Дьиҥинэн, итини киһи өйдүөхтээх. Реклама сулууспата диэн хас биирдии хаһыакка, сурунаалга, ханаалга баар. Бюджеттэн бэлэм үпкэ тиксибэт СМИ тэрилтэлэрин үлэлэрэ-хамнаһа рекламаттан киирэр үптэн быһаччы тутулуктаахтар. Кумаахы, типография сыаната, үлэһит хамнаһа –  рекламаттан киирэр харчыттан оҥоһуллар. Онон, син биир некролог, эҕэрдэ төлөбүрдээҕин курдук, хаһыат төлөбүрдээх ыстатыйаны  эмиэ таһаарар. Ол бааланыан сатаммат. Федоров да буолбакка, ханнык баҕарар Уйбаныап-Сиидэрэп кими баҕарар кэлэн суруттарыан сөп.

Федоров ойоҕо халадаай ырбаахылаах, хомустаах турара – быыбарга сахалары манньытыахтаах ньыма. Бу маннык үтүө «саха» ойохтоох киһи, хайаан да «сахалыы тыыннаах, бэйэ киһитэ» эбит диэн санааҕа тиэрдэр соруктаах. Кинилэр да билэллэр эбээт, омук киһитэ сахалыы «ыык» диэтэ даҕаны, үөрэн өттүкпүтүн тосту түһэрбитин. Ол майгыбытыгар оонньоон мээргэ хандьытааты «уруһуйдаатахтара».

 


Хандьыдаат фондата:

__      1.      Размер избирательного фонда – 3,5 миллионов рублей/

             2.Cобственные средства – не более 30% предельной суммы. 

            3.      В случае выдвижения избирательным объединением – средства объединения – не более 50% предельной суммы.

           4.      Все сведения о жертвователях будут проверяться ЯГТИК! Анонимное пожертвование не допускается. 

           5.      Обслуживание в Сбербанке – бесплатное.

__      6.      ЯГТИК 1 раз в неделю проверяет движение денежных средств на счете кандидата.  1 раз в две недели  направляет в  СМИ информацию о поступлении и расходовании денежных средств со счетов кандидатов.

Комментарии 

#1
Халадаай 24.01.2012 11:31
Виктория Федорова ыьыахтарга наар халадаай кэтэр, быыбарга эрэ анаан буолбатах, кини хара маннайгыттан сахалыы танныбыта ыраатта, аччаабыта хас да сыл буолла, о5олоро бары эмиэ сахалыы танастаахтар. Хомуска сатаан оонньуур. Онон наьаа кинини туьэримэн.
#2
kirill 27.01.2012 09:44
Ну вот эрдэттэн бэлэмнэнэн быыбарга анаан "саха" буоллахтара дии. Мин бу суруллубуту кытары себулэьэбин полностью. Омуктарын хас да сыл кырата 10 вперед толкуйдууллар. а не то что биьиги, сугэ туьуер диэри дулун сынньанар.

Добавить комментарий

Защитный код
Обновить

Aartyk.ru