Сэрэхтээх дьыала тэриллэн эрэр, быһыыта...

Вторник, 17 Января 2012 21:25
Оцените материал
(0 голосов)

scio_crossДьокуускайга аһыллыбыт «Церковь саентологии» диэн секта аҥаардаах итэҕэл тэрилтэтэ аһыллыбытын туһунан элбэх СМИ ырытыһан эрэр. Саҥа дьыл бырааһынньыгын иннинэ Опера уонна балет театрын киэҥ уораҕайыгар куорат баай-талыы дьоно мустан саентологтар кииннэрэ аһыллыбытын үөрэн-көтөн туран бэлиэтээбиттэр.

 

Дьокуускайдааҕы саентологтар салайааччылара Айиол Новиков диэн «Байанай-центр», «Царская охота» булт тэрилин атыылыыр маҕаһыыннар хаһаайыттара эбит. Эҕэрдэ тылы «Оптимист», «Апельсин» эргиэн кииннэрин баһылыга Иван Иванов эппит.

Саалаҕа мээр быыбарыгар кыттыахтаах урбаанньыт олорор сурахтаах. Бу киһи саентологтар «бырааһынньыктарын» тэрийсиигэ улахан кыттыыны ылбыт диэн кэпсииллэр.

Саентология диэн тугун-ханныгын, тугу кытары «сиэнэрин» араас суруйуулартан ылыаҕыҥ. Бу сымыйа итэҕэли нацистарга быраастыы сылдьыбыт, араас дьиикэй уопуттары оҥорсубут -  Рон Хаббард олохтообут. Дьадайан быстан эрэр киһи, бу үөрэҕин күүһүнэн өлөрүгэр, этэргэ дылы, сытыйа байбыт. Сүрүн санаата, идиэйэтэ диэн - үлэ биэрээччи киһини, кини бэйэтин тус сыалыгар, байарыгар-тайарыгар эрэ туттар суруугун курдук көрөр. Уйулҕатыгар дьайан зомби оҥорон кэбиһэр.

Саентологтар үлэлиир – дьону харчыларын ыһыгыннарар  сирдэригэр (маҕаһыыннарга, маркеттарга, салоннарга) дьол, үөрүү-көтүү, көтөҕүллүү туругун үөскэтэллэр эбит. «Соһуччу» бырааһынньыктары тэрийэр, бэлэх-туһах туттарар, атыылаһааччытыгар, килийиэнигэр кини «уратытын, дьиктитин» туһунан санааны иҥэрэр. Биллэн турар,  «дьолломут» киһи бу сиргэ хаттаан эргиллиэн баҕарар. Ол аата харчытын, бэйэтэ да билбэтинэн, чуолаан бу маҕаһыыҥҥа (салоҥҥа) тэбиир төрүөттэнэр.

Добавить комментарий

Защитный код
Обновить

Aartyk.ru