«АЛРОСА» орто хамнаhа 2012 сылга 60 тыhыынча буолара күүтүллэр

Понедельник, 09 Января 2012 20:01
Оцените материал
(0 голосов)

Сыл түмүгүнэн, алмаастаах хампаанньа үрдүнэн бонус эбэтэр, 13-с хамнас түҥэтиллэр. Маннык ботуччу эбии харчыны ылар тэрилтэ Саха сиригэр, ахсааннаах буолуохтаах.

Промышленность эйгэтэ сыл түмүгүнэн 13-с хамнас аахсар. Көннөрү тэрилтэҕэ үлэлиир киһи сылы быhа кикинэйэн ылар орто хамнаhын «мунньан-тараан» 170 тыhыынчаҕа тиэрдэр. Оттон «АЛРОСА» тэрилтэлэригэр аҥаардас 13-c хамнас, ортотунан, биир ыйга 50 тыhыынча хамнастаахха – 100 тыhыынча буолар.                                                2011 сылга «АЛРОСА» 2008-2010 сыллары кытары холоотоххо производствотыгар, атыыга-тутууга бэрт кэрэхсэбиллээх ситиhиилэрдэннэ. Алмааhы атыылыыр эйгэ балайда сэргэхсийдэ. Дуоллар таhыма «сүрэххэ-быарга тиийэр гына» долгулдьуйа илик. Итинэн сибээстээн, хамнас инфляция хаамыытынан улаатар туруктаах. Ол курдук, 2011 сыл оройугар хампаанньа үрдүнэн орто хамнас 50 тыhыынча эбит буоллаҕына, 2012 сылга, индексация буолар түбэлтэтигэр 60-ча тыhыынча холкутук буолар кэриҥнээх.

Станислав Алексеев,

Мииринэй куората.

Добавить комментарий

Защитный код
Обновить

Aartyk.ru