Кэмэ оннук эбитэ дуу, эбэтэр түбэспитэ оччо эбитэ дуу. Сотору-сотору суут айдаана, араллаана, хаһан да түмүгэ көстүө суох курдук…  Аараттан кэтээн көрөөччүлэр илистэбит, оттон эриллэ сылдьар дьон төһө эрэ ньиэрбэлэрэ баранан эрдэҕэ.

Хата, диэбиккэ дылы, Алексей Еремеев уонна Павел Семенов 6-7 сылга хаайыыга уураахтаммыттара көтүрүллүннэ. Эмиэ хаттаан бастакы сууттарын түһүмэхтэригэр эргиллэн кэллилэр. Былыр, суут төһөнөн уһуур да, судьуйалар байаллара үһү. Билигин даҕаны судьуйа хамнаһа элбэҕин сөҕөн киһи эрэ барыта сэһэн-сэппэн оҥостор. «Атыыламматыннар» диэн хамнастарын эппиттэрэ, улаханнык туһалаабат быһыылаах. Дьон-сэргэ соһуйар-өмүрэр бириигэбэрдэрин таһаараллара сэдэҕэ суох.