Быыбар сахсаана саҕаланна

Понедельник, 06 Августа 2012 19:55
Оцените материал
(0 голосов)
Быыбар иннинэ буоларын курдук, бэйэ бэйэни тыыххайдаһан, күүһү-уоҕу тургутуһан көрүү буолар үгэстээх.
Аны күһүн, алтынньыга, муниципальнай тэриллиилэр баһылыктарын талыахтаахтар. Баартыйалар мустан быыбарга ханнык кандидаттары туруоруохтарын былааннаан эрэллэр. Урут, тыа баһылыгын быыбара улаханнык сэҥээриллибэт эбит буоллаҕына, эһиил Дьокуускай куорат Думатыгар уонна Ил Түмэн мунньаҕар быыбар буоларынан сибээстээн, күһүҥҥү быыбардар дуорааннаныах курдуктар. Оттон Ил Түмэн састаабыттан, өссө улахан быыбарбыт  – Ил Дархаммыт быыбара, сүҥкэн тутулуктааҕын киһи этэ да барбат буоллаҕа.
Быйыл өрөспүүбүлүкэтээҕи киин быыбардыыр хамыыһыйа (КБХ) састааба уларыйда. Ил Түмэн дьокутааттара куоластаабыттарын түмүгүнэн, урукку КБХ-ттан 6 киһи хаалла, 3 киһи баартыйалартан киирдилэр (ЛДПР-тан бэрэстэбиитэл өссө да талылла илик), 4 киһи общественниктар, 2-лии киһи дойду уонна өрөспүүбүлүкэ урукку састаап киин быыбардыыр хамыыһыйаларыттан киирбиттэрэ, 2 киһи муниципальнай тэриллиилэртэн бэрэстэбиитэллэин уорганыттан бааллар.
Билиҥҥи туругунан, Саха сиринээҕи КБХ 13 чилиэннээх. Онтон  11 киһитэ юрист үөрэхтээх.
 Саҥа састааптаах хамыыһыйа атырдьах ыйын 13-гэр мустан мунньахтыахтаахтар уонна бэрэссэдээтэллэрин, кини солбуйааччыларын, сэкиритээри талыахтаахтар.
КБХ саҥа састааба:
 
1.      Андреева Екатерина Петровна, СӨ КБХ бэрэссэдээтэлин солбуйааччыта;
2.      Гурьева Сардана Михайловна, СӨ юстициҕа госкомитетын бэрэссэдээтэлэ;
3.      Диодоров Леонид Прокопьевич, детективнай агентство, чааһынай предприниматель;
4.      Кладкина Екатерина Тимофеевна, СӨ КБХ чилиэнэ;
5.      Колбасина Марина Егоровна, “Якутия” хаһыат суруналыыһа,
6.      Конакова Ирина Николаевна, СӨ президенин иһинэн үлэлиир Сүрүн хонтуруоллуур управление солбуйар салайааччыта;
7.      Корнилов Павел Валерианович, СӨ Вице-президенин секретариатын салайааччыта;
8.      Кривошапкин Анатолий Денисович, СӨ КБХ бэрэссэдээтэлэ;
9.      Кузнецова Елена Анатольевна «МФЦ РС (Я)» ГАУ бастакы солбуйар салайааччыта;
10.  Таппагарова Сардана Константиновна, “Сиэрдээх Арассыыйа” баартыйа;
11.  Терентьев Александр Владимирович, АЛРОСА АК Дьокуускайдааҕы бэрэстэбиитэлистибэтин дириэктэрэ,
12.  Черных Сергей Георгиевич, Россиятааҕы ДОСААФ Саха сиринээҕи салаатын бэрэссэдээтэлэ,
13.  Юмшанова Яна Николаевна, СӨ КБХ тэрийэр-методическэй отделын салайааччыта.

Добавить комментарий

Защитный код
Обновить

Aartyk.ru