Каадыры уларытыы салҕанар

Понедельник, 06 Августа 2012 19:54
Оцените материал
(2 голосов)
Президеммит Егор БОРИСОВ дуоһунаһыгар олорбута, быйыл бэс ыйын 17-гэр иккис сылын туолбута. Ол тухары каадыры аттаран туруоруу үлэтэ билигин да салҕанан бара турар.
Аартык.ру интернет хаһыакка биллэрбиттэринэн, СӨ федеральнай сыһыаннаһыыларга уонна тас сибээскэ миниистирэ  Валерий МАКСИМОВ билиҥҥи министиэристибэтиттэн баран, экономика сайдыытын министиэристибэтин салайыах курдук. Оттон билиҥҥи миниистир - Михаил ОСИПОВ Федеральнай нолуок сулууспатын Саха сиринээҕи управлениетыгар барар дииллэр.
m 1305514778 304180Валерий Максимов МВС миниистиринэн үлэлиэн иннинэ, СӨ промышленнаска миниистирин 1-кы солбуйааччытынынан үлэлээбитэ. Валерий Иванович  эдэр кэскиллээх салайааччылартан биирдэстэрэ. Кини быйыл атырдьах ыйын 16-гар 36 сааһын туолуохтаах. Төрөөбүт сирэ Бэрдьигэстээх Горнай улууһа.
Ситэриилээх былааска 1999 сылтан үлэлиир. Экономика уонна сабаҕалаан көрүү министиэристибэтигэр, судаарыстыба актыыбын салайар Департамеҥҥа, промышленность министиэристибэтигэр бастаан ньиэп уонна гаас отделын салайааччытынан, онтон 2007 сылга миниистир солбуйааччытынан, 2010 сылга 1-кы солбуйааччынан үлэлээбитэ. 2010 сылга СӨ тас сибээскэ миниистиринэн анаммыта.
Тас сибээс министиэристибэтин кини иннинэ Георгий Никонов, Александр Мигалкин эмиэ кыра кэмҥэ салайа сылдьыбыттара. Максимов кэнниттэн ким миниистиринэн ананара өссө биллибэт диэн этэллэр. Өскөтүн култуура уонна духуобунай сайдыы миниистирэ Андрей Саввич БОРИСОВ 20-ччэ сыл дуоһунаһыгар олорбут эбит буоллаҕына, Тас сибээс министиэристибэтэ салайааччытыгар табыллыбакка олорор.
***
Мээрийэҕэ эмиэ каадыр боппуруоһа сир саарбах. Айсен НИКОЛАЕВ иннинэ куораты салайан олорбут Юрий ЗАБОЛЕВ хамаандатын дьонуттон биирдэстэрэ – Игорь НИКИФОРОВ "төннүбэттии" уоппускаҕа баран эрэр диэн бэчээккэ тыл быктаран баран, "олоҕо суох сурах" дэттилэр.
Санатар эбит буоллахха, интернеккэ, Никифоров бюджет харчытын ыскайдааһыҥҥа уорбаланан эрэрин туһунан суруйуулар эмиэ тахсыбыттара.
Биир өттүнэн, Никифоровы сорох коллегалара “күүстээх, кыахтаах салайааччы этэ” диэн харыһыйа саныыллар, иккис өттүнэн, дьаһалтаттан Никифоров бардаҕына “национальнай дисбаланс үөскүүр” диэн куттууллар.
13304Мээр солбуйааччыта барар дуу, кэлэр дуу буоллаҕына, баһылыкка олохтоохтук саҥа сүбэһит кэллэ диэн бигэргэтэллэр. “Целевой фонд будущих поколений РС(Я)” коммерческайа суох тэрилтэ урукку салайааччыта Леонид Шитик Айсен НИКОЛАЕВ сүбэһитинэн анаммыт.
***
Өссө биир Дьокуускай куорат салалтатыгар уларыйыы - Октябрьскайдааҕы уокурук баһылыга Юрий БОСИКОВ оннугар Валентин ЭВЕРСТОВ анаммыта буолар. Эверстов бу иннинэ  Ил Түмэн дьокутаата Александр ЖИРКОВ секретариатыгар үлэлээбитэ биллэр.
Юрий БОСИКОВ айылҕа харыстабылын управлениетыгар үлэлии утаарылынна.
 

Комментарии 

#1
Hiy 07.08.2012 10:01
когда все это закончится :cry:
#2
Vjik 07.08.2012 10:02
Видать Максимова растят. ничо такой перспективный чувачок.
#3
Буетур 07.08.2012 10:03
Осипов налоговайга барар дуо? оччого билиннибит ханна барар?
#4
Яна 10.08.2012 08:20
Максимов саната,толкуйа, кыа5а атыттартан быдан чорбойор
#5
Мария 15.08.2012 13:49
Кадр уларыйа турар буолла5ына туох да учугэй улэни кууппэккин

Добавить комментарий

Защитный код
Обновить

Aartyk.ru