Президент кыыһырда

Вторник, 31 Июля 2012 09:05
Оцените материал
(1 Голосовать)
Бэҕэһээ правительствоҕа от хампаанньатыгар аналлаах улахан мунньах буолла. Онно, кыстык оту булар үлэ тэрээһинигэр үгүс сыыһа-халты баарын президент Егор Борисов булаттаата.
Егор Афанасьвеич, бастаан, министиэристибэ, ведомство үлэһиттэриттэн үлэ хайдах баран иһэрин сураста. Ханнык улуус төһө оту оттообутун ыйыталаста. Чунуобунньуктар тугу хардарыахтарын билбэккэ, үүтүн тохпут оҕо курдук буоллулар. Улуустары кытары үлэлиэхтээх салайааччылар бэл анаммыт улуустарын баһылыгын аатын билбэттэр эбит...
Маннык элээр-мэлээр үлэлээх дьонтон тугу ирдиэххиний? Президент кыыһырда. Дьоннорун улууска тус бэйэлэринэн тахсан балаһыанньаны билсэллэригэр соруйда. Онто да суох сылын аайы ынах-сүөһү ахсаана аҕыйыы турар. Быйылгы уот кураантан сылтаан өссө сылгы, ынах төбөтө аччыыр кутталлаах. Оттон тыа сирэ сүөһүтэ суох буолла да, айаҕын ииттэр кыаҕыттан ааһар. Тыа сирэ эһиннэ да, норуот дьылҕата эмиэ быстар.
Куоракка олорор чунуобунньуктар ол эппиэтинэһи билинэн туран үлэлиэхтээхтэр этэ.
Президент правительствоҕа хас биирдии нэһилиэккэ эппиэттээх чунуобунньуктары аныырыгар уонна миэстэтигэр баран үлэлииллэрин курдук  сорудах биэрдэ. Сайын бүтэрэ бу кэллэ. Саҥаттан дьаһаныы хойутааһын буолара дуу...

Добавить комментарий

Защитный код
Обновить

Aartyk.ru