Прохоров партията Прохорова суох хаалан эрэр

Пятница, 16 Сентября 2011 18:41
Оцените материал
(0 голосов)

b2c2f219067684eabc4a9f54cb4cbba2Мучумаан үөһээ мучумаан… Сатахха, диэбиккэ дылы, «Кырдьыктаах дьыала» партиятын сийиэһигэр улахан араллаан таҕыста. Быыбарга киирсиэхтэрин да инниттэн, Прохоров партията ыһыллан эрэр. Ол курдук «правайдар» балаҕан ыйын 15 күнүгэр сугулаанынан Госдума быыбарыгар киирсэр испииһиэктэрин бигэргэтиэхтээхтэрэ. Биллэн турар, хас биирдии бөлөх бэйэтин кандидаттарын өрө астаҕа, ол түмүгэр, Прохоровтара кыыһыран: «Кырдьыктаах дьыала» партия быыбарга кыттар юридическай күүһүн сүтэрдэ, миигин өйөөччүлэр бары бу партияттан тахсыҥ», -- диэн «сүбэлээн» тыл эттэ.

Михаил Прохоров бу иннинэ, былаастан, Кириэмилтэн тутулуга суохпун диэн түөһүн тиҥиргэппитэ. Бу сырыыга «политическай процеһы» салайааччы-кукловодунан Владислав Суркову – президент дьаһалтатын солбуйааччы салайааччытын «ыйан» биэрдэ. Прохоров сирэйэ-хараҕа туран «Суркову үүрэргэ» туох баар күүһүн-күдэҕин ууруох буолан эрэннэрдэ.

«Кырдьыктаах дьыала» партия ити кэмҥэ 75 киһилээх өссө биир атын – «альтернативнай» сугулааны тэрийэн, ол иннинэ Михаил Прохоров партияттан үүрбүт дьонун – Андрей Богдановы уонна ини-бии Рявкиннары  төттөрү киллэрэргэ уураахтаабыттар. Андрей Богданов урут «Демократическай партия» лидерэ этэ, үүрүллүөн быдан иннинэ мандатнай хамыыһыйа салайааччытынан талыллан турардаах. Прохоров Богдановы «партияҕа хоромньу таһаарда» диэн буруйдаабыта.

Оҥоһуу аата оҥоһуу. Дьиҥнээхтик норуоттан тирэҕирэн тахсыбатах партия – тыал үрдэҕинэ үрэл гынар быстах отуу кэриэтэ буоллаҕа. Прохоровы ылан көҥүл эрбэхтэригэр эргитээри гыммыттара, киһилэрэ бэйи, наар аанньа «истигэнэ суох» быһыылаах.

Добавить комментарий

Защитный код
Обновить

Aartyk.ru