Дьокуускайдааҕы федеральнай суут иккис төгүлүн "Еремеев дьыалатын" көрөн баран, буруй суоҕунан сибээстээн, сууттанааччылары холуобунай эппиэтинэскэ тардары олоҕо суоҕунан аахпыта.
Ити уурааҕы прокуратура бырачыастаан Үрдүкү суукка ааһыныы түһэрбитэ бу бүгүн көрүлүннэ уонна Алексей Еремеевы уонна Павел Семеновы туох баар [jkej,eyfq эппитэтинэстэн босхолоото, Дьокуускайдааҕы суут уурааҕын бигэргэттэ.
Үрдүкү суут коллегиятыгар  Гавриил Смирников, Ирина Каратаева уонна Федор Слепцов киирдилэр.
Прокуратура өрүтүн Николай Посельскай турууласта.
Санатар эбит буоллахха, Дьокуускайдааҕы суут судьуйата Сардаана Тарасова уураах таһаарарыгар, холуобунай дьыаланы тэрийбит уонна иилээбит-саҕалаабыт силиэдэбэтэлгэ  Дмитрий Дергилев-Меркибаевка "сокуону толоостук кэһэн дьыаланы ирдэспитин" бэлиэтээбитэ. Ону Дергилев-Меркибаев бырачыастаан Үрдүкү суукка ааһынан көрбүтэ эмиэ табыллыбата.
Онон, бу күнтэн ыла Алексей Еремеев уонна Павел Семенов сокуон иннигэр ыраастар.


Фото  с сайта ИА Sakhalife.