«Азия о5олоро» оонньууга бэлэмнэнэр көҥүл тустууга кыргыттар хамаандалара кэккэ ситиһиилэрдэннэ

Среда, 16 Мая 2012 08:24
Оцените материал
(0 голосов)

54467Үөрэх министиэристибэтин пресс-сулууспата иһитиннэрэринэн, V-с «Азия оҕолоро» оонньууларга кыттыахтаах көҥүл тустууга кыргыттарга республика сүүмэрдэммит хамаандата (сүрүн тренер Ким Колодезников, салайааччы Семен Черкашин, психолог Лариса Слепцова, врач Анна Захарова, попечитель «Алмазэргиэн банк») Украинаҕа үөрэтэр-эрчийэр түмсүүгэ сылдьар уонна күрэхтэһиилэргэ кэккэ ситиһиилээхтик кыттар.

Ол курдук муус устар 19-20 күннэригэр Харьков куоракка буолбут 1998-99 с.т, кыргыттарга норуоттар икки ардыларынааҕы турнирга Орто Халыматтан кэлэн үөрэнэ сылдьар Люба Слепцова (тренерэ Иван Дмитриев) 37 кг, Алдан Хатыыстыырыттан Уус-Алдан спортивнай оскуолатыгар үөрэнэр Валерия Сигаева (тренерэ Василий Степанов) 40 кг уонна Үөһээ Дьааҥы кыыһа Матрена Никитина (тренерэ А.Г. Слепцов) 44 кг финалга эрэ хоттороннор норуоттар икки ардыларынааҕы турнир үрүҥ көмүс призердара буоллулар, Үөһээ Дьааҥыттан кэлэн Уус-Алдаҥҥа тренер Семен Черкашиҥҥа эрчиллэр Надя Горохова 40 кг, Дарияна Потапова 44 кг уонна Уус-Алдан бэйэтин кыыһа Люба Боярова 44 кг 3-с миэстэ буоллулар.

Эмиэ ити күннэргэ Мариуполь куоракка ыытыллыбыт 1996-97 с.т. кыргыттарга норуоттар икки ардыларынааҕы турнирга Алдан Хатыыстыырыттан төрүттээх Уус-Алдаҥҥа тренер Василий Степановка эрчиллэр Даша Карамзина 52 кг кыайда. Бу турнирга Алдантан Наташа Михайлова (тренерэ Тофик Адкюдзалов) 46 кг, Нерюнгриттэн Настя Лиханова (тренерэ Ким Колодезников) 52 кг боруонса призер буоллулар диэн пресс-сулууспа иһитиннэрэр.

Добавить комментарий

Защитный код
Обновить

Aartyk.ru