Кыайыы күнэ чугаһаабытынан бэтэрээннэр сирдэригэр гаас тардыахха наада

Понедельник, 23 Апреля 2012 09:20
Оцените материал
(2 голосов)

( «Якутск вечерний» хаһыат 20.04.2012  нүөмэригэр тахсыбыт ыстатыйаҕа ситэрии)

Ааспыт бээтинсэҕэ куорат дьаһалтатыгар правительство баһылыга – Галина Данчикова салалталаах атыыр мунньах буолбутун туһунан хаһыаттар суруйдулар. Кырдьык, мунньахха элбэх тыын суолталаах боппуруостар таарыллыбыттара.

Суруналыыс Л.Толстихина ыстатыйатыгар киирбэтэх түгэннэри хайаан да этиэххэ наада дии санаан бу сурук суруйан эрэбин.

Бастатан туран, Гордума дьокутаата Константин Федоров куорат таһынааҕы бөһүөлэктэр, чуолаан, Хатаһы гаастааһын туһунан туруоруста. «Айылҕа гаастаах – үптээх-харчылаах олорор эрээри, сылын аайы муниципальнай уонна региональнай бюджеты араас ыстатыйаларынан, программаларынан бытарытан кэбиһэн уонна инвестиционнай – эбии киирэр харчы туһанылларын эрдэ былааннаабакка, киирбит харчыны ситэри туһаммакка хаалабыт. Инвестиционнай бюджеккэ Хатас гаастааһынын киллэриэххэ баара диэн дьокутаат этэр.

Гордума атын дьокутаата Алексей Петров  былырыын сэрии бэтэрээннэригэр бэриллибит сир учаастактарын гаастаан уонна уот линиятын тардан биэрии туһунан буолла. Кини этэринэн, бэтэрээннэргэ уота-гааһа суох кураанах учаастактары биэртэлээбиттэр. Уот баҕанатын туруоруутун, гаас киллэрээһинин бэтэрээннэр хармааннара уйунар кыаҕа суох. Алексей Петров 2009 сыл кулун тутар 12 күнүгэр 8-ОЗ №-дээх тахсыбыт  федеральнай сокуоҥҥа олоҕуран бэтэрээннэри босхо уһаайбалаабыппыт, аны инфраструктуратын тутарга аҕыйах хамнастаах бюджет үлэһиттэригэр, кыаммат-түгэммэт дьоҥҥо, чуолаан, бэтэрээннэргэ босхо эбэтэр чэпчэтии көрүөххэ наада диэтэ.

Галина Данчикова гаас киллэриитин «ыарахан боппуруос, элбэх күнү-дьылы эрэйэр» диэтэ эрээри, правительство үлэтигэр бу хайысха инники турарын этэр. Мунньах боротокуолугар бу туруорсууну киллэттэрдэ уонна  солбуйааччытыгар Павел Маринычевка, мээр Айсен Николаевка бэтэрээннэр учаастактарын гаастыыр уонна электричество хайдах киллэриэххэ сөбүн толкуйдуулларыгар сорудахтаата.

Бэтэрээннэрбит барахсаттар бэйэлэрэ да аҕыйаатылар. Саатар, ыам ыйын 9 күнүн бырааһынньыга чугаһаабытынан даҕаны сибээстээн сиэрдээх туруорсууну олоххо киллэриэххэ баар этэ. Мунньах үтүө түмүктээх эрэ буоллаҕына туһалаах, күдээринэ быһаарыыта суох кэпсэтии туох көдьүүстээх буолуой.

Санатар эбит буоллахха, РФ президенэ Дмитрий Медведев Волгоградка сылдьан   гаастааһын боппуруоһун кылгас кэмҥэ быһаарыахха наада диэн бэйэтэ этэн турар, онон Хатас чугаһыгар бэриллибит бэтэрээннэр учаастактарын гаастаан баран, салгыы Хатаһы бүтүннүү гаастаан кэбистэхтэринэ, дьон төһө эрэ махтанар.

Мария  Михайлова.

Комментарии 

#1
Бааска 23.04.2012 11:05
Ветеранам ВОВ хотя бы в канун праздников сделайте подарок господа - подключите им бесплатно газ, свет.
#2
читатель 23.04.2012 12:03
актуальный вопрос подняли депутаты.
#3
Бывалый 23.04.2012 12:25
Правительство о ветеранах вспоминает только в канун праздника Победы!
#4
читатель 28.04.2012 14:16
благое дело
#5
аЛЕКСАНДРА 05.05.2012 20:47
Утуе кунунэн, бастатан туран сахалыыга сахалыы суруйуо5ун. сылтан сыл сэрии ветераннара олохтон туораан иьэллэр. киьи хомойуох сылга биирдэ эрэ кинилэри ахтабыт. то5о ветераннары толору таас дьиэнэн хааччыйар табыллыбатый? эгэ ол газ ыарахан дьыала диир буоллахпытына, кэлин оноьуллубатахта н кэмсиниэхпит суо5а дуо? керге-нарга, бырааьынньыктар га харчы беге кутуллар, ветераннар дьиэтэ-уота суох олохторун монууллар

Добавить комментарий

Защитный код
Обновить

Aartyk.ru