Бу дьоҕус гынан баран, дириҥ ис хоһоонноох кинигэҕэ саха киһитэ аныгы дьалхааннаах үйэҕэ хайдах салгыы дьаһаннаҕына киһи, омук быһыытынан уһун тыыннаныахтааҕа, уостубат уйгуланыахтааҕа, сайдар кэскиллэниэхтээҕэ сүбэ-соргу быһыытынан олох-дьаһах араас өрүттэрин хабан, сахалыы хомоҕой тылынан сурулунна.

Сайдар Кэскил үс түһүмэхтэн турар. 

Бастакы түһүмэх:

тоҕус сүрүн тосхолтон, 
иккис түһүмэх 13 сүрүн хайысхаттан: 

1. дьиэ кэргэн; 
2. төрөөбүт дойду; 
3. ыал буолуу; 
4. эр киһи, дьахтар сыһыана; 
5. оҕону иитии; 
6. сөпкө аһааһын; 
7. эти-сиини эрчийии, хамсаныы; 
8. санааны салайыныы; 
9. үөрэх; 
10. үлэ; 
11. үп-харчы; 
12. сырдык санаа; 
13. эдэр, кырдьаҕас дьон сыһыана.

Үһүс түһүмэх тоҕус сүрүн тускултан турар. 

Маны таһынан, кинигэ сүрүн санаатын ситэрэн биэрэр сыаллаах А.Е. Кулаковскай - Өксөкүлээх Өлөксөй 1912 с. суруйбут «Оттоку олук алгыһа» айымньыта уонна ситиһиилээх үлэ күнүн алгыһын холобура киирдилэр.

Сайдар Кэскил сүрүннээн ыччат дьоҥҥо туһаайыллар. Кинилэр куттарын-сүрдэрин бөҕөргөтөр, күүһүрдэр, сааһылыыр уонна сайыннарар аналлаах. 

Сайдар Кэскил чопчу ааптара суох, көҥүл тыыннаах, ураты суоллаах-иистээх айымньы. Итэҕэлгэ, бэлиитикэҕэ сыһыана суох. 

Күндү бар дьоммут! 
«Сайдар Кэскили» ааҕыҥ, сыаналааҥ, олоххутугар үтүө сүбэһит, эрэллээх доҕор, дурда-хахха оҥостуҥ!

***

Киэҥ атыыга тахсыар диэри Дьокуускайга Ленин пр. 10, "ВСЕ 32" стоматология кабинетыттан 80 солкуобайга атыылаһыаххытын сөп.

«Сайдар Кэскил» туһунан санааҕытын үллэстэргитин 
redaktor8@mail.ru күүтэбит. 

***
«Алгыс» түмсүү.