Инньэ гынан, икки күннээх тыҥааһыннаах киирсии кэнниттэн, отут биир Оһуокай этээччиттэн финалга тоҕус чулуулар аастылар.
1. Евсеев Михаил Михайлович – Сунтаар
2. Семенова Валентина Владимировна - Үөһээ-Бүлүү
3. Алексеев Андрей Иванович – Үөһээ-Бүлүү
4. Васильева Саргылана Александровна – Сунтаар
5. Иванов Станислав Александрович – Дьокуускай
6. Сидорова Римма Ивановна- Ньурба
7. Иванова Айталина Виссарионовна – Сунтаар
8. Иванова Светлана Никитична – Дьокуускай
9. Лыткина Надежда Прокопьевна – Уус- Алдан
Дьүүллүүр Сүбэ быһаарыытанан, Туймаада Ыһыаҕын 2014 сыл ДАРХАН этээччитинэн Сунтаар Түбэтиттэн сылдьарМихаил МихайловичЕвсеев-Кураһайбуолла, «Лада-Гранта” массыына ылан үөрдэ-көттө.
Бастакы миэстэни Үөһээ Бүлүүттэн Семенова Валентина Владимировна ылла, улахан телевизор бириис ылла. Иккис эмиэ Үөһээ Бүлүүттэн Алексеев Андрей Иванович, үһүсмиэстэ буолла Сунтаартан Васильева Саргылана Александровна.
Ыһыахха бэйэтигэр Көҥүл Оһуокай буолла. Бу былыргы үгэстэри сөргүтүү, тиллиннэрии - Ыһыах Оһуокайа хааччаҕа суох буолара, этээччи этэр кыаҕынан, дьон төһө сөбүлүүрүнэн, ханнык баҕарар түһүлгэҕэ. Оннук хааччаҕа суох, этээччи иэйиитинэн буолар Оһуокай киһини эмтиир, чөлүгэр түһэрэр.
Бу да сырыыга Дархан этээччилэр чаастан ордук эттиллэр. Егор Михайлович Осипов, Михаил Михайлович Евсеев, Марта Тимофеевна Николаева, Саргылана Васильевна Васильева, Иннокентий Иннокентьевич Птицын ордук аһыллан, куттара көтөҕүллэн уһуннук этэн, дьону дуоһуттулар.
Көҥүл Оһуокайга саҥа холонон көрдүбүт. Көҥүл Оһуокай диэн дьон өйүн-санаатын сахалыы сиэргэ-туомҥа, бэйэ-бэйэҕэ үтүө сыһыаҥҥа, харчыны сырсыыттан сынньатар сыаллаах тэрээһин.
Оһуокай Түмсүү хаһыаттары кытары ситимнэһэр бөлөҕө.
Комментарии
Сорохтор оһуохайы да оһуокайы да арааран сөпкө суруйбаттар.Таб а суруйууну эмиэ тутуспаттар. Тоҕо Оһуокай Түмсүү, Көҥүл Оһуокай буоларый.Көҥүл оһуокай ыытыллара
үчүгэй,бириис баарын тухары оһуокай сайдыа суоҕа.Оһуокайга дьон бэйэлэрин эрэ дьоно этэр буоллаҕына ону өйөөн киирэллэр.Оһуок айга киирэн үҥкүүлээһин киһи кэлэйиэн курдук олох аҕыйах. Итинник оһуокай баар үһү дуо. Оһуокайга биһиги С.А.Звереви
холобур оҥостуохтаахпыт , үгүс дьон кини оһуокайын билбэт, ол иһин кини баар оһуокайдарын тохтоло суох НВК-ҕа көрдөрүөххэ наада.