Инникитин көрүүлэнэн көрүөн баҕалаах дьон элбэх. Биллэххэ-көрдөххө бэлэм сылдьыллыа этэ буоллаҕа.
Ол гынан баран Дьылха Хаан, Одун Хаан Тойоттор икки атахтаах, инчэҕэй эттээх аһара көрүүлэнэрин сөбүлээбэттэр диэн этэллэр. Онон туохха барытыгар миэрэ-кээмэй баарын умнумуоҕуҥ. Аһара элбэх иччини, куту ыҥыран баран сатаан антах үтэйбэккэ олоҕу алдьатыахха сөп. Ордук олорор дьиэҕэ таҥха сэбэрэйин ыытар кутталлаах дииллэр.
***
Арчы дьиэтигэр атыттары антах үрэйэр кыахтаах алгысчыттар баар буолан Таҥха күннэригэр араас сэбэриэйи барытын ыыталлар. Ол курдук тохсунньу 16-19 күннэригэр Таҥха киэһэтин ыытыахтара. Бүгүн араас көрбүөччү, билэр-таайар отучча дьон үлэлэрин саҕалыахтара.
Ааттаах-суоллаах көрбүөччүлэр ортолоругар маннык ааттар иһиллэллэр: Санаайа, Елена Евсеева, Ульяна Абрамова, Хотууна,Татьяна Никифорова (Тайаана), Варвара Федорова, Наталья Ефремова, Люция Нохсорова, Максим Дуранов, Николай Слепцов (Сылык) о.д.а.

Алгысчыттартан Варвара Федорова,  Галина Федорова сиэри-туому толоруохтара. 
***
Аартык.ру