1000 кыыстан биир кыыс улахан подиумҥа, ол аата харчыга, мааныга-далбарга тиксиэн сөп диэн статистика көрдөрөр. Ол гынан баран, үрдүк подиум олоҕо кылгас. Кыргыттар баай киһиэхэ кэргэн тахсан, аһымал акцияларынан эбэтэр бэйэлэрин ааттарынан бренд аһан ырыынакка үлэлэттэхтэринэ эрэ, этэргэ дылы, уһун дьоллоох олоҕу олороллор.
***
Интернет ситимигэр, Удачнайтан сылдьар Алиса Усольцева  "Мисс Снежная Вселенная" диэн Новосибирскайга ыытыллыбыт күрэхтэһиигэ иккис вице-мисс буолла диэн биллэрэллэр. Бу куонкурус аан бастаан ыытыллыбыт. Усольцева бирииһэ - Багамаҕа тиийэн хаартыскаҕа түһүү буолбут. 
Бастакы миэстэни Томскайдааҕы госуниверситет устудьуона Владислава Вернер, бастакы вице-мисс титулун Новосибирскайтан  Юлия Теслина ылбыттар.
Владислава Вернер сайын "Мисс Туризм мира" диэн уочараттаах куонкуруска Россия аатыттан кыттыа диэн сонун ааҕыныстыбалара суруйаллар..
Саха сириттэн "Мисс Снежная Вселенная" куонкуруска икки кыыс кыттыбыт: Усольцева уонна Мария Чомчоева. 
***
Aartyk.Ru