А.Максимов, И.Чикачев, И.Пахомов, Вл.Рожин суута көһөрүлүннэ

Четверг, 03 Ноября 2011 14:54
Оцените материал
(0 голосов)

Бүгүн, сэтинньи 3 күнүгэр айдааннаах-араллааннаах «Максимов дьыалата» диэн ааттаммыт холуобунай дьыаланы көрүү салгыыта буолуохтааҕа. Ону баара биир сууттанааччы – Владимир Рожин (урукку «Якутгазпром» ААО генеральнай дириэктэрин солбуйааччы) атаҕын тоһуппутуттан сибээстээн, суут көрүүтэ сэтинньи 21 күнүгэр диэри көһөрүлүннэ.

Бу иннинэ Владимир Рожин эмиэ атаҕын тоһутан баттык тайахха тирэнэ сылдьара. Албакаата эппитинэн, Рожин халтараан кэмигэр охтон атаҕын улаханнык эчэппит. Икки сиринэн эрийэ тостубут. Рожин билигин куорат балыыһатыгар хамсаабакка сытар, бэнидиэнньиккэ улахан эппэрээһийэ оҥоруохтаахтар.

Судьуйа Степан Попов сууттанааччы балаһыанньатын туһунан ирдэһэн билэллэригэр уонна аныгыскы суут көрүүтүн сэтинньи 21 күнүгэр 10.00 чааска анаата. Онуоха диэри Рожин атаҕар турбатаҕына, суут мунньаҕа хаттаан көһөрүллэрэ сэрэйиллэр.

Бу сырыыга Афанасий Максимов албакаата Л.Кузьмина эмиэ суох, Афанасий Николаевич этэринэн, командировкаҕа барбыт.

Добавить комментарий

Защитный код
Обновить

Aartyk.ru